និស្សិតនឹងទទួលបានសញ្ញាបត្រ បរិញ្ញាបត្ររង (Associate degree) នៅពេលបញ្ចប់ការសិក្សាឆ្នាំទី២។ ប្រសិនបើនិស្សិតបន្តការសិក្សា អ្នកនឹងទទួលបានសញ្ញាបត្រ បរិញ្ញាបត្រនៅពេលបញ្ចប់ការសិក្សាឆ្នាំទី៤។

ជំនាញសញ្ញាបត្រដែលកំណត់ដោយនាយកដ្ឋានការងារ មានដូចខាងក្រោម៖

• • ភាសាអង់គ្លេស >>> ភាសាអង់គ្លេសសម្រាប់អាជីពការងារនិងមុខរបរ

  • ភាសាកូរ៉េ >>> ភាសាកូរ៉េសម្រាប់អាជីពការងារនិងមុខរបរ

  • គ្រប់គ្រងអាជីវកម្ម >>> សេវាកម្មគ្រប់គ្រងធនធានមនុស្ស

  • គណនេយ្យ និងហិរញ្ញវត្ថុ >>> សេវាកម្មមីក្រូហិរញ្ញវត្ថុ

  • រដ្ឋបាលសាធារណៈ >>> សេវាកម្មរដ្ឋបាល
  • ព័ត៌មានវិទ្យា

ដើម្បីទទួលបានសញ្ញាបត្រ បរិញ្ញាបត្ររង អ្នកត្រូវតែបំពេញក្រេឌីតសរុបយ៉ាងហោចណាស់ ៦០ ក្រេឌីត ក្នុងរយៈពេល ៤ ឆមាស។ដើម្បីទទួលបានសញ្ញាបត្រ បរិញ្ញាបត្រ អ្នកត្រូវតែបំពេញក្រេឌីតសរុបយ៉ាងហោចណាស់  ១២០ ក្រេឌីត។សំរាប់មុខវិជ្ជាដែលមានអក្សរ “F” នៅលើ ប្រតិបត្តិពិន្ទុរបស់អ្នកនឹងមិនត្រូវបានទទួលស្គាល់សម្រាប់ ក្រេឌីតនោះទេ។

ពិន្ទុឬនិទ្ទេស “F” ត្រូវបានផ្តល់ជូនដល់និស្សិតដែលអវត្តមានដោយគ្មានការអនុញ្ញាតពីការប្រឡងពាក់កណ្តាលឆមាស ឬការប្រឡងបញ្ចប់ឆមាស។ ពិន្ទុឬនិទ្ទេស “F” នេះក៏ត្រូវបានផ្តល់ជូនដល់និស្សិតដែលអវត្តមានដោយគ្មានការអនុញ្ញាតលើសពី ១/៤ (មួយភាគបួន) នៃថ្ងៃសិក្សាសរុប។

និស្សិតដែលខកខានមិនបានបញ្ចប់ការសិក្សាសរុបចំនួន ៦០ ក្រេឌីតក្នុងរយៈពេល ២ ឆ្នាំ ដោយសារពិន្ទុឬនិទ្ទេស “F”  មិនអាចទទួលបានសញ្ញាបត្រ បានឡើយ រហូតដល់ពួកគេបញ្ចប់ការសិក្សាសរុបចំនួន ៦០ ក្រេឌីត។ និស្សិតដែលខកខានមិនបានបញ្ចប់ការសិក្សាសរុបចំនួន ១២០ ក្រេឌីតក្នុងរយៈពេល ៤ ឆ្នាំ (៨ ឆមាស) ដោយសារតែពិន្ទុឬនិទ្ទេស “F” មិនអាចទទួលបានសញ្ញាបត្របរិញ្ញាបត្រ បានឡើយ រហូតដល់ពួកគេបញ្ចប់ការសិក្សាសរុបចំនួន ១២០ ក្រេឌីត។